Pavarësisht se në Shqipëri hapja e pikave të bastit janë të ndaluara, personat që merren me këtë lloj biznesi nuk ndalen. Ditën e sotme, Seksioni për Krimin Ekomomik në Drejtorinë e Tiranës ka shkatërruar një biznes që merrej me lojëra fati dhe baste.
Në një njoftimin e policisë bëhet me dije se, në një lokal në Kombinat ka konstatuar pajisje dhe kompjuterë për vendosjen e lotove. Gjatë kontrollit janë arrestuar 2 persona, ndërsa pronari i lokalit shpallet në kërkim. Ndërsa 3 klientë që do vinin loto po procedohen në gjendje të lirë. Sipas burimeve, ngjarja ka ndodhur nësubjektin privat bar-restorant “Las Vegas” që ndodhet në katin e parë të pallatit Nr. 10/1, në Rrugën “Petro Nini Luarasi” në Tiranë.
Gjatë kontrollit është konstatuar se në lokal ushtruar aktiviteti i kundraligjshëm i organizimit të lotarive të palejuara. Në cilësinë e provës janë sekuestruar një sasi parash prej 900 000 lek të rinj si dhe një sasi parash në valutë në shumën prej 2975 Euro, shumë parash të cilat u gjenden në sirtarin e banakut të lokalit.
Po ashtu janë sekuestruar pesë aparatë telefonik celularë të cilët shërbenin për vendosjen e skedinave dhe basteve sportive për ndeshje të ndryshme futbolli.
Policia ka vënë në pranga Ledjon Xhezairin, 27vjeç; Kledi Bunacën, i datëlindjes 28 vjeç si dhe janë shpallur në kërkim shtetasi Urim Topuzi, 35-vjeç dhe shtetasi Edison Nazif 35vjeç. Është proceduar në gjendje të lirë shtetasi Lulo Hasani i datëlindjes 29 vjeç
Burimet bënë të ditur se, lokali në fjalë është në pronësi të Elvis Martinajt, emër i njohur në tregun e lojërave të fatit dhe basteve sportive dhe aktivitete të tjera të paligjshme.
Nuk janë të pakta rastet kur policia ka zbuluar qendër lotosh ekzistonte të kamufluara si biznese të tjera, por që në të vërtet ishin pika bastesh. Pavarësisht se kontrollet ndaj këtyre bizneseve janë shtuar ata vazhdojnë të thyejnë rregullat dhe punojnë nën rrogoza.
Discussion about this post