Një 33-vjeçar është arrestuar nga policia e Gjirokastrës, pasi ka kundërshtuar me dhunë punonjësit e policisë, dhe më pas në komisariat, ka shkatërruar kamerën e vendosur.
Sipas njoftimit, në pranga ka rënë O. C., 33 vjeç, banues në lagjen Cfakë, Gjirokastër. Sipas njoftimit, gjatë një konflikti me një dikë tjetër, në lagjen “18 Shtatori”, ky person ka kundërshtuar punonjësit e Policisë të cilët kanë ndërhyrë për të parandaluar përshkallëzimin e konfliktit.
Pasi është shoqëruar në ambientet e Komisariatit të Policisë Gjirokastër, 33-vjeçari ka shkatërruar kamerën e sigurisë në dhomën e shoqërimit. Ky person ishte konfliktuar me një person tjetër, dhe ka bërë rezistencë gjatë shoqërimit.
Materialet në ngarkim i kaluan Prokurorisë pranë Gjykatës së Shkallës së Parë Gjirokastër, për veprat penale “Kundërshtimi i punonjësit të policisë së rendit publik” dhe “Shkatërrimi i pronës”.
Discussion about this post