Skuadra e Chelseas ka fituar me rezultatin 3-0 ndaj Leicester City, duke vazhduar rrugën e shkëputjes në krye të tabelës së Premier League.
‘Blutë’ e Londrës dominuan të gjithë ndeshjen, duke mos i lënë aspak hapësirë kundërshtarëve të tyre.
Ishte minuta e 14 kur ata morën avantazhin përmes golit të Rudiger dhe 14 minuta më pas shënuan sërish dhe Kante dyfishoi shifrat për Chelsean.
Pjesa e parë u mbyll me rezultatin 2-0, teksa në 45-minutshin e dytë kryesuesit e Premier League shënuan sërish. Ishte Pulisic i hyrë në lojë nga stoli, ai i cili në minutën e 71 arriti ti dhuronte golin e tretë ekipit të tij.
Ndeshja u mbyll me këto shifra duke bërë që Chelsea të kaloi në kuotën e 29 pikëve, ndërsa Leicester deri më tani ka mundur të grumbullojë vetëm 15 pikë./K.T/Gijotina.com
Discussion about this post