Policia e Kukësit ka arrestuar Sh. Sinani, 57-vjeçe, e cila dyshohet se i ka vënë zjarrin në pyllin në afërsi të banesës së saj në fshatin Pistë.
Gjithashtu, u proceduan në gjendje të lirë dy shtetas të mitur J.R., dhe B.R., banues në fshatin Golaj, për veprën penale “Shkatërrimi i pronës me zjarr”, pasi në fshatin Golaj kanë ndezur zjarr. Si pasojë e erës së fortë zjarri u ka dalë jashtë kontrollit duke përfshirë dhe djegur një sipërfaqe të konsiderueshme me lis dhe shkurre.
Materialet i kaluan Prokurorisë së Rrethit Gjyqësor Kukës, për veprime të mëtejshme për veprën penale “Shkatërrimi i pronës me zjarr”.
Sakaq, Drejtoria Vendore e Policisë e Policisë Kukës apelon për të gjithë banorët, që në asnjë rast mos shkaktojnë zjarrvënie pasi do përballen me ligjin. Policia fton qytetarët që të denoncojnë në numrin 112 dhe Komisariatin Dixhital për çdo rast të zjarrvënies apo të paligjshmërisë në tërësi duke ju garantuar anonimatin dhe reagim të shpejtë e të paanshëm nga strukturat policore.
