Puna për ndërtimin e ujësjellësit ka filluar 18 muaj më parë dhe duhet të përfundonte me 17 gusht 2021.
Firma zbatuese ka lënë të gjitha rrugët dhe lagjet e qytetit me kanale të hapura dhe të pakalueshme për qytetarët.
Bashkia e Gjirokastrës ka vendosur pezullimin e punimeve nga firma zbatuese për ndërtimin e Ujësjellësit, për shkak pjesa më e madhe e ndërhyrjes së tyre ka qenë tek zona muzeale, e cila është edhe destinacioni më i frekuentuar nga turistët që vijnë në qytetin e Gjirokastrës.
IKMT ndërkohë ka vendosur gjobitjen e firmës zbatuese të projektit me 500 mijë lekë.
Vlera e Ujësjellësit të Gjirokastrës arrin në vlerën 7 milion e 500 mijë euro.
