Autoriteti Kombëtar i Ushqimit ka ndëshkuar 40 biznese në vend, të cilët nuk respektonin masat e sigurisë ushqimore. Sipas njoftimit të publikuara nga AKU, në 24 orë janë kryer 133 kontrolle në terren, nga ku shumë biznese tregtonin mallra që iu kanë kaluar datat e skadencës, ose nuk mbaheshin në kushte higjienike.
“AKU ka kryer 133 kontrolle zyrtare dhe monitorime në të gjithë vendin në operatorët e biznesit ushqimor të kategorive të ndryshme.
Gjatë kontrolleve zyrtare në operatorët e biznesit ushqimor janë dhënë 40 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore.
Referuar Planit Vjetor të Marrjes së Mostrave me bazë risku janë marrë 21 mostra në produkte ushqimore të natyrave të ndryshme dhe janë bllokuar 4 produkte ushqimore”, thuhet në njoftim.
E.H /gijotina.com/
