Këtë fundjavë makina inteligjente është zhvendosur në qytetin e Durrësit nga ku bëhet me dije se janë gjobitur qindra drejtues mjetesh. Ata kanë qenë në shkelje të rregullave të qarkullimit rrugor, ku pjesa më e madhe e tyre kanë qenë me shpejtësi tej normave të lejuara.
Në njoftimin e policisë thuhet se janë konstatuar 746 shkelje për shpejtësi mbi normat e lejuara, shpejtësi që në qytet kanë arritur deri në 90 km/h.
112 drejtues janë konstatuar në shkelje të trefishtë: shpejtësi, përdorim të celularit dhe mosvendosje të rripit të sigurimit.
Gjithashtu 58 shoferë kanë lëvizur me shpejtësi mbi normat brenda në qytet. Shpejtësia varionte nga 70-90 km/h . Të shumtë ishin dhe drejtuesit e mjeteve të cilët nuk vendosnin rripin e sigurimit, të cilët morën masa administrative.
Discussion about this post