16 biznese janë ndëshkuar nga Autoriteti Kombëtar i Ushqimit, pasi janë konstatuar që tregtonin ushqime në mungesë të higjienës dhe të pa certifikuar. Lajmin e ka bërë të ditur vetë AKU përmes një postimi në faqen e saj zyrtare, ku tregon se janë kryer 104 kontrolle në të gjithë vendin dhe janë paralajmëruar për heqje licence 15 subjekte, ndërsa një tjetër është gjobitur.
“AKU ka kryer 104 kontrolle zyrtare dhe monitorime në të gjithë vendin në operatorët e biznesit ushqimor të kategorive të ndryshme. Gjatë kontrolleve zyrtare në operatorët e biznesit ushqimor janë dhënë 15 masa administrative me paralajmërime dhe 1 gjobë për aktivitet jo në përputhshmëri me kornizën ligjore dhe rregullatore të sigurisë ushqimore. Referuar Planit Vjetor të Marrjes së Mostrave me bazë risku janë marrë 4 mostra në produkte ushqimore të natyrave të ndryshme. Gjithashtu janë asgjësuar 46.402 t produkte ushqimore”, thuhet në njoftim. Në këtë kuadër, AKU iu bënë thirrje qytetarëve që të raportojnë çdo shkelje që vërejnë në tregjet ushqimore, për të garantuar sigurinë e tyre shëndetësore.
E.H/ gijotina.com/
