Kreu i Inspektorit të Lartë të Drejtësisë, Artur Metani ka miratuar reduktimin e pagës me 40% të dy gjyqtarëve, me akuzën se kanë shkelur rregullat etike dhe disiplinore. Bëhet fjalë për gjyqtaren e Gjykatës së Elbasanit, Pajtime Fetahu dhe Hektor Sinani, gjyqtar në Gjykatën e Vlorës.
Hetimet për Sinanin dhe Fetahun kanë nisur prej disa kohësh, pasi pretendohet se kanë zvarritur zbardhjen e vendimeve dhe kanë shkelur etikën duke komunikuar me palët.
Më 16 shtator, pritet të thirren në gjykim dy gjyqtarët për të dhënë shpjegime ndaj Inspektoriatit. Ndërkohë që procesi vijon edhe për 18 magjistratë të tjerë që akuzohen për shkelje të tjera të ndryshme.
Është hera e parë që nga krijimi i ILD që Metani kërkon këtë masë të tillë e cila lidhet me një tentativë për të disiplnuar magjistratët dhe prokurorët.
