Në Botërorin e Katarit ka patur një situatë të tensionuar mes Iranit dhe SHBA. Dy kombëtaret ndodhen në Grupin B dhe janë në garë për kualifikimin në 16-she. Ata do të përplasen në sfidën e fundit të fazës së grupeve.
Mediat iraniane po bëjnë thirrje që SHBA të përjashtohen nga Kupa e Botës, pasi llogaria zyrtare në Twitter e ekipit kombëtar të futbollit amerikan postoi një imazh të renditjes së grupit B të Kupës së Botës, por hoqi stemën e Republikës Islamike nga flamuri trengjyrësh. Një zgjedhje që ndezi protesta në Iran.
“Shtetet e Bashkuara shkelin statutet e FIFA-s duke publikuar një imazh të shtrembëruar të flamurit iranian. Seksioni 13 i rregullores shpjegon se duhet të dënohet me 10 ndeshje” – shkruhet në deklaratën zyrtare të iranianëve.
Nga ana e saj, federata amerikane shpjegoi se gjesti u bë për të treguar “mbështetje për gratë në Iran që luftojnë për të drejtat themelore të njeriut”, duke shtuar se ishte një nismë e vetme. Në një postim të mëvonshëm, duke iu referuar ndeshjes mes tyre, flamuri iranian ka qenë në rregull.
Discussion about this post