Gjigantit britanik të duhanit “British American Tobacco” (BAT) i kërkohet të paguajë, pasi pranoi se furnizonte me cigare regjimin e Kim Jong Un në kundërshtim me sanksionet e SHBA-së kundër Koresë së Veriut.
Gjoba ka të bëjë me aktivitetin e kompanisë shumëkombëshe (BAT) në Korenë e Veriut nga viti 2007 deri në vitin 2017.
Siç raporton BBC, British American Tobacco pretendoi se po shiste cigare përmes një filiali të Phenianit dhe për këtë arsye u urdhërua të paguante një gjobë prej 635 milionë dollarësh – plus interes – autoriteteve amerikane për shkeljen e sanksioneve kundër regjimit të Phenianit.
“Na vjen thellësisht keq për shkeljen e sanksioneve,” pranoi shefi ekzekutiv i kompanisë, Jack Bowles.
Kujtohet se SHBA ka vendosur sanksione të ashpra ndaj Koresë së Veriut për programin e saj bërthamor dhe testet e raketave balistike.
“BAT” është përveç një kompanie shumëkombëshe britanike duhani dhe një nga 10 kompanitë më të mëdha në Albionin e vjetër, komenton BBC.
Ajo ka në portofolin e saj marka të njohura, si “Lucky Strike”, “Dunhill” dhe “Pall Mall”.
Si i furnizoi ‘BAT’ cigare Kim Jong Un
Kompania kishte mënyrën e saj për të furnizuar me cigare liderin e vendit, Kim Jong Un, i cili është një duhanpirës i madh.
Importimi i cigareve në vendin e tij u lehtësua, sipas autoriteteve amerikane, nga bankieri 39-vjeçar nga Koreja e Jugut, Shim Hyun-sop dhe bashkëpunëtorët e tij kinezë, 60-vjeçari Qin Guoming dhe 41-vjeçari Han Linlin.
Prokurori i Përgjithshëm, Matthew Oisen, u tha gazetarëve se kjo është gjoba më e madhe e vendosur ndonjëherë ndaj një kompanie për shkeljen e sanksioneve kundër Koresë së Veriut.
Discussion about this post