Shkeli urdhrin e mbrojtjes dhe kanosi gruan, arrestohet 52-vjeçari në Këlcyrë

Një 52-vjeçar nga Këlcyra ka përfunduar në prangat e policisë pasi ka kanosur bashkëshorten duke shkelur kështu edhe urdhrin e mbrojtjes.

“Komisariati i Policisë Përmet arrestoi në flagrancë shtetasin 52 vjeç, banues në Këlcyrë, pasi duke kanosur bashkëshorten e tij, ka shkelur urdhrin e mbrojtjes të caktuar në favor të saj”, thuhet në njoftimin e policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.