Gjykata e Posaçme e Shkallës së Parë ka pranuar kërkesën e Prokurorisë së Posaçme për të dërguar për gjykim deputetin e Partisë Socialiste, Plarent Ndreca dhe 15 persona të tjerë, të cilët akuzohen për kryerjen e veprës penale “shkelje e barazisë së pjesëmarrësve në tendera apo ankande publike”, të kryer në bashkëpunim.
Prokuroria e Posaçme mbylli hetimet dhe akuzon Plarent Ndrecën dhe 15 të pandehurit e tjerë për favorizime në shpalljen e tenderave publik në ankandet e kryera. Bëhet fjalët për një tender kur Plarent Ndreca ka qenë Sekretar i Përgjithshëm i Ministrisë së Brendshme.
Ka qenë Kontrolli i Lartë i Shtetit që bëri një kallëzim me pretendimin se gjatë një tenderi për rikontruksionin e 4 komisariateve në rang vendi ka pasur abuzime dhe “fryrje” të kostove. Bëhet fjalë për komisariatin e Mirditës, Vlorës, Pogradecit dhe atij Numër 4 në kryeqytet.
Të akuzuarit e tjerë krahas Plarent Ndrecës:
Denisa Skënderajn
Blendi Kovin
Lira Kolasin
Ferdinant Tarazhin
Grida Isufin
Jonarda Qurkun
Lindita Mukajn
Silva Dautin
Denisa Klosin
Julia Hysën
Elora Kokalarin
Aida Shehin
Klejdi Meçon
Emiliano Mehmetin
Erand Rrobaçin
Lexo edhe:
Discussion about this post