SPAK shpalli mos kompetencën për një pjesë të dosjes së skandalit të uniformave të policisë se shtetit, për bashkimin e operatorëve që prodhon uniformat. Megjithëse mori nëntë vendime fajësie dhe çështja përfundoi në apel. SPAK hoqi dorë nga hetimi për kompaninë dhe ia delegoi prokurorisë së kryeqytetit për akuzën e mashtrimit me pasoja të rënda dhe fshehje të të ardhurave.
Episodi që SPAK ka vendosur të mos përfshihet lidhet me kallëzimin e Jani Gjergjefit ndaj bashkimit të operatoreve, ku pas prokurimit u specifikuan detaje teknike për uniformat por edhe sasia përkatësisht 9638 palë pantallona dhe 548 funde për policet. Kjo sasi nuk u pranua nga autoriteti policor mbasi nuk ishin në standardin e kërkuar.
Mijëra uniforma të kthyera pas si defektozë, kompania e dyshuar nuk ktheu pas edhe faturën me vlerë disa milionë lekë. Në dosje përmendet se meqenëse Policia e Shtetit konstatoi se uniformat nuk ishin në cilësinë e kërkuar, ato iu kthyen pas shoqërisë Gjergjefi, që ia ktheu bashkimit të operatoreve.
Ndërsa SPAK e delegon për hetime të mëtejshme pranë një prokurorie të zakonshme, bashkimi i operatorëve pranoi faturën tatimore në vlerën e 731 milionë lekëve, ndërkohë që vlera e mallit të kthyer e të faturuar është 15 milionë leke. Mes të shpallurve fajtorë nga struktura antikorrupsion ishte edhe ish-drejtoresha e Ministrisë së Brendshme Edlira Naqellari që së bashku me anëtarë të komisionit u gjetën fajtorë për shkelje të barazisë në tendera./ Topchannel
Discussion about this post