Tensione dhe përplasje janë regjistruar gjatë protestës pranë Parlamentit, ku në pamjet shihen efektivë policie dhe persona civile duke shoqëruar me forcë disa qytetarë.
Në video dallohen momente tensioni, teksa qytetarët përplasen me personat që po i largojnë nga zona.
Në një moment një efektiv policie gjuan me shkelma një person që e kanë futur në makinë.
Ndërsa në një moment tjetër një qytetar rrethohet nga forca të shumta policie, ndërsa një civil e shtyn me forcë drejt makinës së policisë.
Përplasjet kanë ndodhur në kuadër të protestës kundër Reformës Administrativo-Territoriale, e cila është shoqëruar me tensione të vazhdueshme jashtë Parlamentit.
Edhe kreu i PD-së, Sali Berisha, ka reaguar ndaj dhunës barbare të policisë ndaj një protestuesi duke u goditur me shkelma dhe grushta teksa ndodhej brenda një automjeti të policisë.
“Shtazëri e narkobanditëve të Skënder Ballukut! Krim i shëmtuar!”, shkruan Berisha në reagimin e tij në Facebook, duke akuzuar forcat e policisë për përdorim të dhunës ndaj protestuesve.
Discussion about this post