Shkelma e grushta, gjimnazistja rreh mësuesen (VIDEO)

Një gjimnaziste ka rrahur brutalisht mësuesen e saj në korridorin e institucionit arsimor. Ngjarja ka ndodhur në një shkollë në Missouri.

Sipas pamjeve të publikuara, nxënësja e shkollës së mesme e kishte grushtuar pafund mësuesen e saj pas një mosmarrëveshjeje në korridorin e shkollës.

Nxënësit e shkollës thanë se gjithçka kishte ndodhur pas një keqkuptimi, kur mësuesja kishte pasur dyshime të padrejta kundrejt nxënëses, e cila po merrte një çantë me ilaçe nga dollapi i saj.

Siç raportohet, adoleshentja e kishte shtyrë mësuesen dhe u përpoq t’ia merrte çantën me ilaçe dhe më pas e sulmoi.

Mësuesja kishte mbetur me lëndime, ndërsa nxënësja e shkollës së mesme përfundoi me pranga në duar.

Pamjet e përleshjes mes të dyjave u bënë virale në rrjetet sociale pasi u publikuan nga nxënësit e shkollës.

Adoleshentja e kishte shtrirë mësuesen për tokë dhe e sulmonte pa fund me shkelma e boksa.