Java e katërt e Serie A ka sjellë një tjetër paraqitje fantastike nga dy prej yjeve të Kosovës që luajnë në kampionatin italian.
Amir Rrahmani dhe Edon Zhegrova janë përfshirë në formacionin më të mirë të javës nga Sofascore.
Mbrojtësi i Napolit ishte një nga protagonistët e fitores 1-0 ndaj Bolognas, duke u vlerësuar me notën 7.7.
Rrahmani ishte i pakalueshëm në prapavijë, ndërsa kompletoi 63 pasime me 91% saktësi.
Ai regjistroi gjithashtu tri largime të topit nga zona dhe fitoi tetë duele ajrore.
Në anën tjetër, Edon Zhegrova shpërtheu në ndeshjen e Juventusit ndaj Sassuolos, pavarësisht humbjes së “Zonjës së Vjetër”.
27-vjeçari u aktivizua në minutën e 60-të dhe i mjaftuan vetëm 30 minuta për të shënuar dy gola.
Paraqitja spektakolare i siguroi Zhegrovës çmimin “Lojtari i Ndeshjes” dhe notën e jashtëzakonshme 9.2.
Sulmuesi kosovar pati tri goditje në drejtim të portës, me dy prej tyre që përfunduan në rrjetë.
Ai kompletoi 12 pasime dhe krijoi edhe një rast të madh për gol, duke kontribuar edhe në fazën defanzive.
Dy golat ndaj Sassuolos ishin të parët për Zhegrovan me fanellën e Juventusit në Serie A.
Kështu, dyshja kosovare Rrahmani-Zhegrova bëhet pjesë e formacionit më të mirë të javës në elitën e futbollit italian.
Për Zhegrovën, kjo paraqitje mund të jetë pikënisja e një sezoni të madh me fanellën bardhezi.
Discussion about this post