Këngëtarja shqiptare me famë botërore, Bebe Rexha, ka marrë pjesë në mbrëmjen gala “AmfAR 2021” në Los Angeles, të enjten në mbrëmje.
E mbajtur në Qendrën e Dizajnit të Paqësorit, ngjarja vjetore e mbushur me yje synon të mbledhë fonde për kërkimin, parandalimin, edukimin dhe mbrojtjen e politikave publike të lidhura me AIDS-in.
32-vjeçarja risolli magjinë e Hollivudit të vjetër në tapetin e kuq të eventit, duke u shfaqur me një fustan të zi të gjatë deri në dysheme me një peliçe të bardhë, e cila i kombinohej mjaft bukur veshjes.
Gjoksi i fustanit të këngëtares ishte stolisur me perla që përputheshin me vathët në veshët e saj në formë “M” nga marka e njohur “Moschino”.
Flokët bionde të drejta të Rexhës ishin të ndara në njërën anë dhe të dizajnuara në stilin e valëve.
Discussion about this post