Armando Broja pritet të rikthehet te Chelsea, pas huazimit në Holandë ku shkëlqeu me fanellën e Vitesse. Sulmuesi nga Malësia e Madhe shënoi 11 gola në sezonin e parë si profesionist.
Sky Sports raporton se Chelsea është gati të diskutojë për rinovimin e kontratës me sulmuesin 19-vjeçar të kombëtares shqiptare dhe trajneri Thomas Tuchel pritet ta përfshijë në listën e lojtarëve për sezonin e ardhshëm.
Oliver Giroud do të largohet nga fituesit e Champions League, pasi kontrata i përfundon në mbyllje të këtij muaji. Edhe Tammy Abraham shikohet larg londinezëve.
Kështu trajneri Tuchel duhet të ketë alternativa për sulmin dhe Broja mund të jetë një prej tyre. Vitesse do të donte ta mbante edhe një vit në huazim, por tani duket një mision i vështirë.
