Erion Veliaj nuk e fsheh më ortakërinë që ka me biznesmenin Shkëlqim Fusha në misionin e përbashkët, për të përvetësuar çdo qindarkë të mbledhur nga taksapaguesit e Tiranës. Pas aferës së Teatrit, piramidës dhe Sheshit Skëndërbej, tani Fusha do të fusë duart e tij edhe parkimet në pronësi të Bashkisë.
Më datë 7 qershor 2023, Erion Veliaj ka firmosur tenderin me objekt “Shërbime të pastrimit dhe gjelbërimit, të zhvilluara nga “Tirana Parking”. Pra, bëhet fjalë për pastrimin e zonave të parkimit, prej të cilave Veliaj e ka mbushur arkën plot.
Edhe pse nuk përbënë më çudi, në këtë tender bie menjëherë në sy fakti se Fusha nuk është lodhur të konkurrojë për këtë tender. Konkretisht, prokurimi është zhvilluar pa asnjë lloj gare, ndërsa Veliaj ia ka falur fondin mikut të tij. Në fakt, vetëm Fusha shpk ka paraqitur interes për këtë kontratë dhe Veliaj në vend ta anulonte tenderin, sikur e kërkon ligji, e ka shpallur fituesin pa garë.
Oferta e Fushës ka qenë 75 milionë lekë pra sa 98% e fondit limit. Edhe në këtë rast kemi të bëjmë me abuzim, sepse është shpallur fituese oferta thuajse e barabartë me fondin limit, çka shton më shumë rrezikun për shpërdorimin e fondit.
Sakaq, ashtu sikur e paralajmëroi pak ditë më parë Gijotina.com, Veliaj nuk i dha Fushës vetëm hapësirën për të pastruar Sheshin Skëndërbej, por i shtoi akses edhe për pjesën e parkimit nëntokësor që ndodhet poshtë sheshit, për të cilin sigurisht do të marrë edhe nga paratë që vilen për orët e parkimit.
Këtë e vërteton tabela më sipër. Shihet se Fusha shpk do të marrë përsipër që të pastrojë 12 zona parkimi në Tiranë, përfshirë edhe atë në Sheshin Skëndërbej.
Nga këto tabela dhe nga projektet që përmendëm më herët shohim se Veliaj po e bën Shkëlqim Fushën ‘pronar’ de facto të Tiranës duke privatizuar me kontrata dhe koncesione pikat ku vile më shumë të ardhura nga tarifat e shërbimeve publike.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post