Me përfundimin e ndeshjeve të para çerek-finale në UEFA Champions League, por dhe në kompeticionet e tjera të Evropës, si Europa League e Conference League, UEFA, ka shpallur ditën e sotme lojtarin më të mirë të ndeshjeve të para në Champions dhe Europa League.
Në UEFA Champions League, lojtari “më i mirë” i ndeshjeve të para u shpall mbrojtësi i Manchester City, John Stones, i cili përveç asistit të golit të 3-të kundra Bayern Munich, ruajti me përsosmëri zonën e rreptësisë së “qytetarëve”.
Në garën për “çmimin” individual, Stones mposhti anësori e mrekullueshëm të Real Madrid, Vincius Junior, si dhe “kollosin” e mbrojtësit të Inter, Alessandro Bastoni.
Në krahun tjetër, në Europa League lojtari më i mirë i ndeshjeve të parë, të çerek-finalve u shpall “arkitekti” austriak i mesfushës së Manchester United, Marcel Sabitez pas dopietës fantastike që shënoi në minutat 15’ e 20’ të sfidës ndaj Sevilla, mbrëmjen e djeshme.
Sabitzer mundi në “garën” për çmimin individual, “fantazistin” e mesfushës së Feyenoord, Orkun Kokcu, sulmuesin nigerian të Royal Union Saint-Gilloise, Victor Boniface, si dhe mbrojtësin e Juventus, Federico Gatti.
Discussion about this post