Shkëlzen Berisha reagoi në median sociale pas vendimit të Gjykatës së Posaçme, që e vendos liderin e opozitës shqiptare, Sali Berisha, në arrest shtëpiak.
“Kartolina e Ramës për Vitin e Ri është arrestimi dhe izolimi i liderit të opozitës!” shkruan Shkëlzen Berisha.
Gjykata e Posaçme ka vendosur të shtunën e 30 dhjetorit pranimin e kërkesës së SPAK për ashpërsimin e masës së sigurisë ndaj ish-kryeministrit Sali Berisha, në “Arrest në Shtëpi”.
Sipas vendimit të zbardhur nga Gjykata e Posaçme, Berisha duhet të kryejë masën e sigurisë në banesën e tij, nga e cila nuk mund të largohet si dhe nuk muns të komunikojë me persona të tjerë përveç atyre që bashkëjetojnë me të.
Për ekzekutimin e këtij vendimi është ngarkuar Prokuroria e Posaçme kundër Korrupsionit dhe Krimit të Organizuar, përfaqësuar nga prokurorët Arben Kraja dhe Enkeleda Millonai.
Discussion about this post