Ukraina ka arritur të lirojë, 116 luftarë të saj që ishin kapur rob nga forcat ruse, falë një operacioni shkëmbimi të burgosurisht.
Shtabi i Përgjithshëm i Ukrainës njoftoi se të shtunën përfundoi operacioni i shkëmbimit që u zhvillua në disa faza. Falë përpjekjeve të ekipit të Shtabit të Koordinimit, u bë e mundur lirimi i 116 mbrojtësve të tjerë.
Janë kthyer në atdhe, 87 ushtarakë, tetë luftëtarë të forcave të mbrojtjes territoriale (përfshirë një grua), përfaqësues të policisë kombëtare, roje kufitare, marinarë ushtarakë etj.
Në mesin e të liruarve janë ata që luftuan në Donetsk, në veçanti afër Bakhmutit dhe Mariupolit si dhe në rajonin e Kievit, Luhansk, Kherson, Sumy, Chernihiv, Zaporizhye dhe Kharkiv.
23 mbrojtës të liruar janë të plagosur ose të sëmurë, disa i kanë humbur gjymtyrët prej ngricave. Më i vogli i luftëtarëve çlirimtarë së fundmi mbushi 20 vjeç dhe më i vjetri mbushi 62.
Gjithashtu brenda shkëmbimit, u bë kthimi i trupave të vullnetarëve të vdekur, Christopher Mattheë Perry nga Britania e Madhe dhe të atij nga Zelanda e Re, Andreë Tobias Mattheë Begshaë si edhe vullnetarit ukrainas Eugene Kulik që erdhi nga Franca, i cili shërbeu në legjionin e huaj francez, por pas fillimit të pushtimit rus në shkallë të plotë, u kthyen për të mbrojtur atdheun.
Shtabi koordinues po punon për shkëmbimet të tjera. Lavdi Ukrainës!” përfundon njoftimi.
Discussion about this post