Tre të vdekur dhe pesë të plagosur është bilanci tragjik i deritanishëm, i shkëmbimit të zjarrit të ndodhur gjatë një autokolone, në qytetin Red River në shtetin e New Mexico në SHBA. Më herët policia kishte treguar për dy të vdekur dhe gjashtë të plagosur.
Incidenti ndodhi kur motoçiklistët filluan të shkëmbejnë të shtëna me armë në rrugën kryesore të qytetit malor, rreth 120 milje në verilindje të kryeqytetit të shtetit, Santa Fe, gjatë paradës vjetore të motoçikletave të Ditës së Përkujtimit.
Kryebashkiakja Linda Calhoun, duke folur për Reuters, tregoi për anëtarët e bandës së motoçikletave. Megjithatë, ajo shmangu të jepte informacione për identitetin e tyre dhe u kufizua duke thënë se “të gjithë ishin nga diku tjetër”.
Sipas kryebashkiakes, të gjithë personat e përfshirë në të shtënat janë në paraburgim nga policia. Një nga të plagosurit është transportuar me helikopter në spitalin e Denverit.
Rreth 28,000 motoçiklistë pritej të merrnin pjesë në garë, i cili përfshin koncerte dhe shërbime përkujtimore në qytetin e afërt Angel Fire.
Disa nga të plagosurit u dërguan në një spital në Taos, 40 km në jugperëndim, tha Policia e Shtetit në Twitter.
Qeveria e qytetit në Taos ndaloi shitjen e alkoolit dhe vendosi një shtetrrethim pas incidentit të përgjakshëm.
Tetë vjet më parë, 9 motoçiklistë u vranë dhe 18 të tjerë u plagosën në një shkëmbim zjarri midis anëtarëve të bandës në Waco, Teksas.
Discussion about this post