Barcelona dhe Atletico Madrid janë duke tentuar të bëjnë një marrëveshje për kalimin e Alvaro Morata te katalanasit.
Juventusi me shumë mundësi nuk do ta blejë sulmuesin spanjoll, që duhet të kthehet pas në Madrid. 20 milionë euro, shifër e përfshirë në klauzolë, konsiderohen shumë për momentin te klubi nga Torino.
Në Spanjë raportojnë se drejtori sportiv i katalanasve, Mateu Alemany, dhe CEO i Atletico Madrid, Gil Marin, janë takuar ditën e sotme për një skenar interesant.
Ata kanë negociuar që të shkëmbejnë Antoine Griezmann me Morata. Kështu, Barca merr sulmuesin spanjoll falas dhe nga ana tjetër Atletico nuk paguan për francezin që të nënshkruajë përfundimisht.
Në total Atletico mund të dalë më e fituar, kur mendon se më parë e ka shitur Griezmann për 120 milionë euro.
Discussion about this post