Një shkëmbim i bujshëm mund të ndodhë në merkaton e ardhshme. Në fakt është një rikthim, pasi edhe më parë është përfolur për një shkëmbim mes lojtarëve të PSG-së dhe Liverpool.
Vetëm pak muaj pasi Kylian Mbappe vendosi të zgjaste kontratën me PSG-në, duket se francezi nuk dëshiron të qëndrojë në Paris, teksa ditët e fundit është raportuar se sulmuesi kërkon largimin.
Pas Realit skuadra e Liverpool është ekipi tjetër që ka interes për yllin e parizienëve. E vërteta është se interesimi i “The Reds” për Mbappen daton më shumë se pesë vjet, kur francezi ishte adoleshent në Monaco.
Mediat angleze zbuluan në atë kohë se klubi diskutoi me sulmuesin e talentuar për një lëvizje të mundshme në “Anfield dhe skuadra angleze rriti interesimin e tyre. Megjithatë, Liverpool nuk bëri asnjë ofertë zyrtare dhe Mbappe zgjodhi PSG–në.
Tre vjet më parë, pati më shumë raportime që lidhnin Mbappen me Liverpoolin pasi skuadra e Jurgen Klopp fitoi Ligën e Kampionëve në Madrid.
Ashtu si edhe më parë, nuk kishte asgjë konkrete mes dy kampeve, por skuadra angleze është ekipi io preferuar i nënës së Mbappes
Pas rinovimit të kontratës me PSG-në në maj, Mbappe diskutoi këtë temë në një intervistë me “Daily Telegraph” rreth interesimit të Liverpool për nënshkrimin e tij.
“Kam biseduar me Liverpoolin sepse është klubi i preferuar i mamasë sime, mamaja ime e do Liverpoolin”, kishte thënë Mbappe.
“Është një klub i mirë dhe ne i takuam ata pesë vjet më parë. Kur isha në Monaco i takova ata. Është një klub i madh”.
PSG -ja do të ishte e interesuar vetëm ta shesë francezin te Liverpooli, me Mohamed Salah që mund të kalonte në anën tjetër.
Ajo që e bën lëvizjen të komplikuar është paga e lartë që Mbappe merr te PSG.
Discussion about this post