Eksperimenti i një shkencëtari mbi minjtë në një fazë të hershme të zhvillimit rezultoi në krijimin aksidental të gjitarëve me gjashtë këmbë.
Ky rezultat i çuditshëm u arrit nga biologët Anastasija Lozovska dhe Moises Mallo me ekipin e tyre nga Instituti Portugez Gulbenkian gjatë hulumtimit të palcës kurrizore.
“Nuk e zgjodha unë projektin, projekti më zgjodhi mua”, tha Maljo me shaka për portalin Nature News.
Shkencëtarët krahasuan embrionet e miut 10 deri në 17 ditë me dhe pa versione funksionale të gjenit Tgfbr1. Ky gjen është pjesë e rrugës sinjalizuese që përcakton drejtimin nga trungu në bisht në trupin formues. Kjo rrugë sinjalizuese i drejton qelizat të zhvillojnë gjymtyrët e pasme ose organet gjenitale të jashtme, shkruan Science Alert.
Ndërsa embrioni i gjitarëve rritet, ai ndërton struktura në sekuencë, nga koka te bishti. Në fillim të zhvillimit, mekanizmat gjenetikë e zhvendosin fokusin nga koka në zgjerimin e trupit dhe krijimin e bazës për sistemet e organeve vitale.
Më vonë, ndodh një tranzicion i dytë, kur aktivizimi i gjenit në shtresa të shumta të indeve zgjeron trungun dhe krijon një bisht.
Discussion about this post