Shkencëtarët italianë kanë publikuar foton e parë të variantit Omicron të COVID-19. Mediat italiane shkruajnë se imazhi u realizua në fushën e kërkimit të mjekësisë multimodale në spitalin “Bambino Gesu” të Romës.
Imazhi në foto tregon se varianti Omicron ka më shumë mutacione në proteinën “spike”, pjesa që ndërvepron me qelizat njerëzore përpara hyrjes në qelizë, krahasuar me variantin shumë infektiv Delta.
“Por kjo nuk do të thotë se Omicron është më i rrezikshëm. Studimet e mëtejshme do të na tregojnë nëse kjo përshtatje është neutrale, më pak e rrezikshme ose më e rrezikshme,” komentuan studiuesit.
Izraeli dhe Italia kanë raportuar një rast me Omicron, ndërsa të infektuar me këtë variant janë regjistruar edhe në shumë vende të tjera si Britania e Madhe, Gjermania dhe Australia.
Discussion about this post