Një shkencëtar kinez ka plotësuar një kërkesë për një patentë vaksine anti-Covid shumë kohë më përpara se sëmundja të shpallej një pandemi globale. Yusen Zhou, i cili punoi për partinë komuniste të Kinës (PLA), paraqiti dokumentet në emër të partisë në 24 shkurt 2020.
Kjo ndodhi vetëm pesë javë pasi Kina konfirmoi rastin e parë të koronavirusit. Zhou gjithashtu ka punuar me shkencëtarët në Institutin e Virologjisë Wuhan (WIV), përfshirë Shi Zhengli –virologe e cila tani është bërë e njohur për kërkimet e saj rreth koronavirusit te lakuriqët e natës.
Studimet e tyre kanë të ngjarë të forcojnë edhe më shumë spekulimet se virusi ka dalë nga një laborator dhe se Kina ishte e vetëdijshme që po përhapej midis njerëzve shumë kohë para se ata të lajmëronin komunitetin ndërkombëtar.
Zhou vdiq në mënyrë misterioze më pak se tre muaj pasi ai dorëzoi patentën. New York Post pretendon se vdekja e tij u raportua vetëm nga një raport i mediave kineze, pavarësisht nga fakti se ai ishte një nga shkencëtarët më të shquar të vendit. Zhou ka qenë pjesë e studimeve të ndryshme me institucionet amerikane, përfshirë Universitetin e Minesotës dhe Qendrën Kombëtare të Transfuzionit të Gjakut në New York.
Gjatë javëve të fundit, shumë nga shkencëtarët më të mirë në botë kanë hedhur poshtë pretendimet se virusi ka dalë nga një laborator në Wuhan. Presidenti i SHBA-së Joe Biden javën e kaluar urdhëroi agjencitë e inteligjencës amerikane të nisnin një hetim nëse COVID ishte krijuar nga njeriu.
Kina ka theksuar vazhdimisht se virusi nuk ka dalë nga një laborator, duke pretenduar se virusi mund të ketë kaluar nga kafshët te njerëzit nga një treg i gjësë së gjallë në Wuhan. Ndoshta i nxitur nga armiqësia me Donald Trump, i cili mbështeti teorinë se virusi ka dalë nga një laborator, mediat dhe akademikët e zakonshëm amerikanë e hodhën poshtë mundësinë, duke e quajtur atë një teori konspirative, raporton abcnews.al
Por provat e reja, duke përfshirë raportet e tre punëtorëve në laboratorin e Wuhan që u sëmurën me simptoma të ngjashme me COVID në nëntor 2019, kanë shtuar përsëri dyshimet në lidhje me origjinën e Covid-19.
Kjo u shtua edhe më tepër pas vendimit të Kinës se nuk do të merrte pjesë në asnjë hetim të mëtejshëm nga Organizata Botërore e Shëndetësisë. Biden kritikoi Kinën duke u bërë thirrje aleatëve të ndihmojnë për një hetim të plotë, transparent, të bazuar në prova ndërkombëtare dhe për të siguruar qasje në të gjitha të dhënat dhe provat përkatëse.
