Detaje të reja janë mësuar nga incidenti i ndodhur një ditë më parë në një pallat në zonën e Astirit, ku pas rënies së ashensorit u lënduan 2 gra. Gijotina.com mëson se 30-vjeçarja M. S., ndodhet ende në Spitalin e Traumës.
Megjithatë ajo ka vetëm dëmtime në gjymtyrë dhe ndodhet jashtë rrezikut për jetën. Ndërkohë, gruaja tjetër që e shoqëronte, e që ishte shtatzëne, është dërguar në shtëpi pasi gjendja e saj paraqitet e qëndrueshme.
Ngjarja e rëndë ndodhi ditën e djeshme, ku një ashensor me pesë persona brenda u shkëput dhe ra, duke rrezikuar jetën e tyre. Për këtë incident, u vu në pranga tekniku i firmës së mirëmbajtjes, ndërsa u procedua penalisht vëllai i tij, njëkohësisht dhe administrator i firmës.
Hetimi i deritanishëm i prokurorisë së Tiranës pas pyetjes së të shoqëruarve dhe kqyrja e shkresave, tha se sipas ligjit administratori i pallatit kishte firmosur kontratë me kompaninë e mirëmbajtjes së ashensorëve, por tekniku i mirëmbajtjes dyshohet se nuk ka bërë kontrolle dhe as mirëmbajtje. /Gijotina.com
