Policia ka dhënë më shumë detaje rreth ngjarjes që ndodhi mbrëmë në QSUT, ku ashensori u shkëputet dhe mbetën të bllokuar 2 persona. Në njoftimin zyrtar të policisë bëhet me dije se brenda në ashensor kanë mbetur të bllokuar një paciente dhe barrelisti. Ata ndodhen në spital nën kujdesin e mjekëve, ndërsa grupi hetimor po punon për zbardhjen e plotë të rrethanave të ngjarjes.
Ngjarja mësohet të ketë ndodhur rreth orës 23:30, në spitalin “Nënë Tereza”, në katin -1, barrelisti shtetasi K. D., duke transportuar me barrelë shtetasen V. C., paciente në spital, për shkak të një defekti janë bllokuar brenda në ashensor.
Me ndërhyrjen e zjarrfikëses është bërë e mundur hapja e ashensorit dhe të dëmtuarit ndodhen në gjendje të mirë shëndetësore. Grupi hetimor po punon për zbardhjen e plotë të rrethanave të ngjarjes.
Discussion about this post