Franca, kampione e Botës në fuqi e ka nisur me humbje aventurën e saj në Nations League teksa në Ligën A në Grupin 1, u mposht në shtëpi ndaj Danimarkës.
“Gjelat” ishin të parët që kaluan në avantazh me anë të Karim Benzema, megjithatë miqtë nuk u dorëzuan dhe përmbysën shifrat falë një dygolëshi të Cornelius.
Nga ana tjetër, po në Ligën A, por në Grupin 4, Holanda tregoi superioritetin e saj në ndeshjen në transfertë ndaj Belgjikës ku triumfoi me rezultatin 1-4.
Për “Tulipanët” shkëlqeu Memphis Depay me një dygolësh, ndërsa shënoi edhe Bergëijn me Dumfries. Në fund, goli i Batshuayi kishte vetëm vlerë statistikore.
Ndërkaq, Austria në Grupin 1 të Ligës A, kaloi pa problem në transfertë me rezultatin 0-3, Kroacinë.
Discussion about this post