Detaje të reja mësohen për ngjarjen në Shkodër. Makina që shpërtheu rreth orën 4:20 të mëngjesit të sotëm është në pronësi të një pronari lokali, që gjendet në afërsi të vendit ku makina ishte parkuar, pranë Teatrit Migjeni.
Makina, në pronësi të shtetasit Bledar Freskina, ishte parkuar pranë një supermarketi në Teatrin Migjeni, kur shpërtheu lënda plasëse.
Në pamjet e kamerave shfaqet autori, i maskuar, që afrohet dhe i vë flakën një shisheje me benzinë në formë molotovi, e hedh dhe largohet e më pas makina ka shpërthyer.
Pronari i automjetit ka deklaruar për policinë se nuk e ka idenë se kush janë autorët e vendosjes se molotovit, ndërsa është shprehur se ka patur disa debate të vogla me disa persona të ndryshëm, por nuk ka dhënë emra konkret duke thënë se nuk ka dyshime.
Discussion about this post