Një turist i huaj ka humbur jetën këtë të mërkurë në Shkodër. Dyshohet se ai është rrëzuar teksa ka qenë duke vizatuar kalanë Rozafës dhe për pasojë ka pësuar dëmtime të rënda duke humbur jetën.
“Rreth orës 19:00, shtetasi slloven S. P., 65 vjeç, banues në Slloveni, dyshohet se është rrëzuar aksidentalisht, teksa ishte duke vizituar kalanë e Rozafës. 65-vjeçari është dërguar menjëherë në spital, por për shkak të dëmtimeve të marra në kokë, ka humbur jetën”, njoftoi policia.
Grupi hetimor në drejtimin e Prokurorisë vijon punën për sqarimin dhe për dokumentimin e plotë të rrethanave të kësaj ngjarjeje aksidentale, shtuan të njëjtat burime.
Discussion about this post