Vijojnë goditjet ndaj shpërndarjes së lëndëve narkotike në qytet. Dy të rinj janë arrestuar në flagrancë nga Forca e Posaçme “Shqiponja”, teksa po transportonin lëndë narkotike të dyshuar si kanabis në automjetin e tyre.
Operacioni u finalizua pas kontrolleve të ushtruara në bazë të informacioneve të siguruara në rrugë operative. Gjatë ndalimit dhe kontrollit fizik të shtetasve Aurel Shkrepaj dhe Ardian Ballza të dy 21 vjeç dhe banues në fshatin Bardhaj, si dhe të automjetit që ata përdornin, Policia gjeti një sasi të konsiderueshme kanabisi.
Lënda narkotike u sekuestrua në cilësinë e provës materiale, së bashku me automjetin që dy të rinjtë përdornin për aktivitetin kriminal.
Në përfundim të veprimeve procedurale, specialistët e Sektorit për Hetimin e Narkotikëve bënë arrestimin në flagrancë të shtetasve Aurel Shkrepaj dhe Ardian Ballza të cilët akuzohen për veprën penale “Prodhimi dhe shitja e narkotikëve”.
Materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për hetime të mëtejshme.
Discussion about this post