Saga e hakmarrjes ka sjellë vrasjen e 3 bijëve të një babai në familjen Tonaj në Shkodër. I fundit ishte Prekë Tonaj 47- vjeçari i cili u ekzekutua mbrëmjen e djeshme në fshatin Gruda e Re në Shkodër.
Pasi ka mësuar lajmin e kobshëm, babai i 47- vjeçarit nuk e ka përballuar dot dhe është transportuar në gjendje të rëndë në spital.
“Ti e di që na ke një borxh”, kaq ka mjaftuar për të kuptuar se autorët kishin një qëllim të vetëm të qëllonin për vdekje Prekë Tonajn, djali i 4 i familjes Tonaj që ra pre e atentatit. 3 janë vrarë nga hakmarrja kurse një tjetër ka vdekur për shkaqe natyrale. Pista kryesore për hetimin është hakmarrja. Siç ka raportuar më herët gijotina.com dy vëllezër të Prekë Tonajt janë vrarë në dy episode të veçanta në fillim të viteve 90; njëri në Dukagjin të Shkodrës, tjetri disa vite më pas në burg. 47 vjeçari që mbeti viktimë e atentatit të sotëm në Grudë te re, në 2011 ishte ndaluar nga policia, së bashku me të atin Ndue Tonaj, asokohe 68 vjeç dhe një person tjetër.
Nga hetimet e deritanishme mësohet se autorët kanë qenë dy, njëri i cili ka kryer vrasjen dhe tjetri që ka ndihmuar në arratisjen nga vendi i krimit.
Objektivi i tyre ka qenë i qartë, pasi që kur ka hyrë në lokal u ka kërkuar personave që ndodheshin të ulur në tavolina të largohen duke thënë se “nuk ka punë me ta”. Lokali ku u vra Tonaj ndodhet i veçuar dhe jo shumë larg shtëpisë së tij.
Discussion about this post