Shkodra është zgjuar nën pushtetin e shiut dhe ngricave ditën e sotme. Nga pamjet duket se qyteti është zhytur nën ujë për shkak të reshjeve të shumta të shiut që kanë rënë gjatë natës, të cilat vazhdojnë edhe sot. Në zonat periferike të Shkodrës bora ka bllokuar rrugët kryesore, duke bërë të pamundur kalimin e automjeteve, madje disa akse janë bllokuar tërësisht. Ndër të tjera bëhet me dije se, disa fshatra janë izoluar tërësisht në pamundësi për të pasur lidhje me qytetin, madje kanë mbetur edhe në terr për shkak se janë shembur disa shtylla të energjisë elektrike. Temperatura e ulta kanë bërë që rrugët të mbulohen nga ngricat dhe kjo rrit rrezikun për udhëtarët.
Sakaq, sikur shihet në video qyteti është mbuluar nga uji, për shkak të shiut me intensitet të lartë që vazhdon prej disa ditësh. Disa biznese dhe shtëpi rrezikojnë përmbytjen, ndërsa raportohet se kanalet kulluese janë bllokuar tërësisht, duke bërë që ujërat e zeza të shpërthejnë mbi rrugë. ARRSH bënë me dije se ka dërguar forcat punëtore për të bërë rregullimit, por në disa zona është e pamundur të ndërhyhet. Bashki Shkodër ka shpallur gjendjen emergjente, ndërsa gjithçka mbetet në mëshirë të fatit, por nëse reshjet vazhdojnë, Shkodra rrezikon të kalojë në kolaps.
Discussion about this post