Një banesë është përfshirë nga flakët në Shkodër këtë të martë. Shpërthimi dyshohet se është shkaktuar nga një bombol gazi. Nga ngjarja nuk ka të lënduar, por janë shkaktuar dëme materiale.
“Rreth orës 11:50, në lagjen ‘Guerrile’, dyshohet për shkak të shpërthimit të një bombole gazi, ka rënë zjarr në banesën e shtetasit N.G., 51 vjeç. Shërbimet e Policisë dhe të zjarrfikëses kanë shkuar menjëherë në vendin e ngjarjes për të shuar zjarrin. Nga përhapja e flakëve janë shkaktuar vetëm dëme materiale. Grupi hetimor vijon punën për të përcaktuar shkakun e rënies së zjarrit”, njoftoi policia.
Discussion about this post