Kryetari i Komisionit Qëndror të Zgjedhjeve, Ilirian Celibashi ka dalë në një deklaratë për shtyp duke folur për ecurinë e zgjedhjeve të pjesshme që po mbahen në 6 bashki.
Sa i përket anullimit të zgjedhjeve në 3 KZAZ në Shkodër, ai u shpreh se nuk mund të rrezikohej jeta e komisionerëve për të shkuar në këto zona për shkak të dëborës së madhe dhe kështu që vendosën që të anuloheshin zgjedhjet.
Por si do të ndikojë kjo në zgjedhjet e bashkisë Shkodër?!
Celibashi u shpreh se në rast se fituesi i kësaj bashkie do të ketë më pak vota diferencë se sa numri i votuesve në këto 3 KZAZ atëherë zgjedhjet do të përsëriten në të gjithë zonën zgjedhore, raporton Gijotina.com.
Shembull.
Kandidati i partisë A fiton zgjedhjet me 1000 vota diferencë kundrejt kandidatit B, në rast se në këto tre zona numri i personave me të drejtë zgjedje është 1000+ vota, zgjedhjet përsëriten në të gjithë vendin.
Por, në rast se numri është 999 atëherë zgjedhjet janë të vlefshme./Gijotina.com/
Discussion about this post