Shkodër/ U konfliktua me 3 persona dhe qëlloi me armë mjetin e tyre, në pranga 33-vjeçari

Policia e Shkodrës është njoftuar ditën e sotme lidhur më një konflikt të ndodhur midis disa shtetasve në fshatin Theth.

Sipas informacioneve policore,dje pasdite shtetasi me iniciale A. Rr., 33 vjeç, ka qëlluar me armë zjarri pistoletë, në drejtim të automjetit me drejtues shtetasin N. H. dhe pasagjerë shtetasit P. H. dhe D. Rr.

Më pas, këta 3 shtetas kanë ushtruar dhunë fizike ndaj 33-vjeçarit.

Nga të shtënat janë shkaktuar vetëm dëme materiale në automjet. Si rezultat i hetimeve , u arrestua 33-vjeçari, A. Rr.,. Gjithashtu janë proceduar në gjendje të lirë tre të tjerët e përfshirë, shtetasit: N. H., 29 vjeç, P. H., 27 vjeç dhe D. Rr., 29 vjeç, të tre banues në fshatin Theth, pasi ushtruan dhunë ndaj 33-vjeçarit.

Policia ka sekuestruar armën e zjarrit pistoletë me municion luftarak.