Shkodër/ U vra në banesë, autori dyshohet se është një i afërm

Një ngjarje e rëndë ka ndodhur mesditën e sotme në lagjen Tom Kula në Shkodër ku 51-vjeçari Petrit Vuksani është ekzekutuar me armë zjarri në banesën në pronësi të tij.

Mësohet se autori i ngjarjes është Lekë Vuksani i cili kishte marrë me qira banesën e viktimës. Pas sherrit, ai dyshohet se ka shkuar në shtëpinë e tij dhe e ka qëlluar me armë zjarri duke e lënë të vdekur.

Viktima kishte rreth një muaj që ishte kthter nga Anglia ku jetonte prej disa vitesh.

Policia ka ngritur disa grupe kontrollesh për të bërë të mundur kapjen e autorit të kësaj ngjarje dhe zbardhjen e plotë të rrethanave të saj.