Shkoi me shokët për peshk, mbytet i riu

Një 21-vjeçar dyshohet se është mbytur në kanalin e Pojanit në Fier.

Nga raportimet mësohet se ai kishte shkuar bashkë me shokët e tij për të peshkuar.

Mësohet se trupi i 21-vjeçarit Hamit Senka, banues në Roskovec, nuk është gjetur ende, ndërkohë që Policia është njoftuar nga shokët e 21-vjeçarit.

Në vendin e ngjarjes ka mbërritur policia dhe ekipet zjarrfikëse.

Njoftimi i policisë:

Rreth orës 12:40, në fshatin Pojan, dyshohet se duke peshkuar, ka rënë aksidentalisht në kanal dhe është mbytur shtetasi H. S., 21 vjeç, banues në Roskovec.

Shërbimet e Policisë ndodhen në vendngjarje dhe po punojnë për gjetjen e trupit të 21-vjeçarit.

Grupi hetimor po punon për zbardhjen e plotë të rrethanave të ngjarjes.