Shkoi në Britani me gomone, arrestohet në shtëpi bari

Një i ri shqiptar është arrestuar në Britani, pasi është kapur brenda një ambienti të përshtatur për kultivimin e kanabisit.

Din Truni, 20 vjeç, sipas mediave të huaja, u kap të shtunën kur iu gjetën bimë kanabisi dhe pajisje kultivimi në Workington, Cumbria, raportuan mediat britanike.

Në banesë kultivoheshin rreth 200 bimë kanabis, vlera e të cilave arrinte nga 56 mijë deri në 177 mijë paund. 20-vjeçari doli para gjykatës në Britani, ndërsa tregoi se kishte shkuar aty dy muaj më parë me gomone dhe se gjatë udhëtimit kishte humbur gjithçka, gjë që e shtyu të kultivonte kanabisin.

Gjykata e dënoi të riun shqiptar me tetë muaj burg.