Manuela De Santi u bë nënë në moshën 42 -vjeçare pa dijeninë e saj. Ajo shkoi në spital me dhimbje të forta barku por pas kontrolleve mjekësore zbuloi se ishte në muajin e tetë të shtatzënisë dhe lindi me prerje cezariane më 19 tetor në spitalin Sant’Anna dhe San Sebastiano në Caserta të Italisë. “Mendova se isha në menopauzë. Nuk e dija që isha shtatzënë. Më duhej të metabolizoja në gjysmë ore atë që bëjnë gratë e tjera në 9 muaj”, tha nëna e re. Manuela tregon se si i ka jetuar këto muaj pa e ditur shtatzëninë: “Nuk kam pasur asnjë shenjë shtatzënie, asnjëherë çrregullim hormonal.
Nuk kam bërë asnjë vizitë dhe fëmija nuk është parë kurrë. Kam punuar shumë dhe kam ngrënë ‘mbeturina’. Për fat të mirë, Laura është mirë. Nëse do ta dija se po e prisja këtë xhevahir, do të isha kujdesur në çdo mënyrë”. Por si ishte e mundur të mos kuptonte se ishte shtatzënë?
“Jam ende e mërzitur që nuk mund të jap një shpjegim. Fizikisht nuk kam pasur kurrë asgjë, nuk kam pasur kurrë të përziera apo probleme të tjera. Unë bëra jetën time, jam një vajzë shumë aktive, përveç pastrimit jam edhe ndihmës kuzhiniere me profesion dhe vullnetare për kujdesin ndaj maceve.
Mendova se isha në menopauzë, sepse periodat ndaluan më shumë se 8 muaj më parë. Gjithashtu kam një histori familjare me gra që kanë kaluar menopauzë edhe kur kanë qenë 34-36 vjeç”. Për Emanuelën dhe partnerin e saj, ardhja në jetë e vogëlushes Laura ishte një surprizë e jashtëzakonshme.
“Ne kemi qenë së bashku për 13 vjet. Ai kishte një tjetër fëmijë me partneren e mëparshme”, tha Emanuela. “Edhe pse ne u përpoqëm, kishim hequr dorë tashmë si çift“.
Discussion about this post