Shkoi të merrte djalin që i kishte vdekur në punë, nëna ndërron jetë në aksident rrugor

Një ngjarja e rëndë është regjistruar në Itali, ku fat tragjik ka patur nëna dhe djali i saj.

Bëhet me dije nga mediat e huaja se Rosina De Franco, 80 vjeç, nga Tortora (Cosenza), vdiq në një aksident automobilistik. Ajo kishte shkuar në Lacio pas vdekjes së djalit të saj si pasojë e një aksidenti në punë.

Mësohet se e moshuara ndodhej në makinën që drejtohej nga bashkëshorti i saj, i cili mbeti i plagosur rëndë.

Sipas asaj që mësohet, bashkëshortët po ktheheshin në Kalabri nga Lacio, ku kishin shkuar pas vdekjes së djalit të tyre, kthim që rezultoi fatal për 80-vjeçaren.