Shkojnë për kontroll në lokal, klientët rrahin dy policët

Dy efektivë policie janë dhunuar në Kosovë.

Policia ka njoftuar se në rrugën “Hysen Xhakolli”, janë sulmuar dy efektivët policorë gjatë kontrollit në një lokal me muzikë.

Dy efektivët policorë janë penguar dhe sulmuar fizikisht nga tre të dyshuar kosovarë.

Të dyshuarit janë arrestuar, dhe me vendim të prokurorit janë dërguar në mbajtje.

Nuk dihen ende motivet e këtij incidenti, ndërsa pritet të zbardhen detaje pas marrjes në pyetje të të shoqëruarve. Identiteti i këtyre të fundit nuk është bërë ende, për shkak të hetimeve.