Shkojnë për të vjedhur agrume, dy kushërinjtë gjenden të vrarë (Emrat)

Dy burra të moshës 29 dhe 30 vjeç, të dyshuar si hajdutë agrumesh, janë vrarë në një fermë bujqësore në Acireale, në zonën e Catanias.

Sipas hetuesve viktimat mund të jenë vrarë pasi janë kapur duke vjedhur, ndërsa në vendngjarje për hetimet ndodhen karabinierët.

Personat që janë vrarë janë dy kushërinj, të identifikuar nga media italiane si Vito dhe Virgilio Cristian Cunsolo, të dy nga Catania. Ata janë gjetur të pajetë në një shtëpi brenda një ferme në via Roccamena në fshatin Pennisi.

Zbulimi u bë nga disa të afërm të viktimave pasi të dy nuk ishin kthyer në shtëpi mbrëmjen e djeshme.