Një atentat mafioz dështon në mënyrën më të hidhur duke parë që lë viktimë një person që s’kishte lidhje me misionin e keqbërësve.
Burri i viktimës, Salvatore Maritato, ishte shënjestër e pritës ku mbrëmë vonë, në Sibari, një fshat i Cassano allo Ionio, mbeti e vrarë 49-vjeçarja Antonella Lopardo.
Viktima u godit nga një breshëri të shtënash nga vrasësit, në momentin që hapi derën e shtëpisë së saj, në një zonë të izoluar të lagjes “Ciccotonno” të Cassano.
Karabinierët, të cilët po kryejnë hetimet nën direktivat e prokurorisë së antimafias Catanzaro, po vlerësojnë konkretisht hipotezën se Antonella Lopardo, e cila hapi derën e shtëpisë kur ra zilja, ishte ‘gabimisht’ viktimë e pritës dhe se objektivi i vërtetë i atentatorëve ishte Salvatore Maritato, një eksponent i supozuar i klanit Forastefano të ‘Ndrangheta, tashmë i përfshirë në hetimin “Omnia” të kryer nga i njëjti Dda i Catanzaros.
Në mëngjesin e sotëm, sipas asaj që mësohet, Prokuroria do të caktojë mjekun ligjor për kryerjen e obduksionit të trupit të gruas.
Për momentin nuk dihet asgjë për deklaratat e bëra për karabinierët nga Maritato, i cili në momentin e kryerjes së vrasjes ndodhej në shtëpi me gruan e tij, ndërsa vajza e çiftit ndodhej jashtë. Maritato mësohet se ka raportuar se nuk i kishte parë vrasësit në fytyrë, edhe për shkak të errësirës që mbretëronte në zonë dhe nuk do të kishte dhënë asnjë informacion për arsyet e mundshme të pritës. /ANSA
Discussion about this post