Erion Veliaj i gjen projektet edhe nga fundi i dheut për t’u dhënë para miqve të tij në këtë kohë të vështirë krize. Bëhet fjalë për ca “para xhepi” që kryebashkiaku i Tiranës ka zgjedhur t’ia bëjë dhuratë ish-deputetit të PS-së, Paulin Sterkaj. Në fakt, kompania fituese është e kushëririt të tij, Lulzim Sterkaj. Tenderi mban numrin e referencës REF-42827-09-21-2022 dhe ka objektin: “Mirëmbajtje e thellë e hidroizolimit të tarracave në objekte publike”.
Fshehja e destinacionit të 10 milionë lekëve
Qysh në emërtimin e tenderit nis manovra diabolike për fshehjen e destinacionit të rreth 100 milionë lekëve. Nuk janë shumë objekte publike që do të hidroizolohen, por duhet riparuar vetëm tarraca e shkollës 9-vjeçare “Ahmet Gashi” në Laprakë. Mos parafytyroni një objekt në gjendje të mjerueshme, por është një shkollë e rikonstruktuar në fund të vitit 2016. Shkolla është si akullore, por duhen xhiruar këto para tek biznesmeni i lidhur me PS-në. Jo më larg se disa ditë më parë shkollën e ka vizituar Erion Veliaj i cili e hapi këtë objekt edhe për komunitetin, për shfrytëzimin e palestrës së saj nga qytetarët e Laprakës. Kryebashkiaku ka bërë ca foto me stafin dhe të rinjtë në shkollën model të kryeqytetit.
Po të “pikonte” shkolla dhe të ishte bërë për hirdoizolim, Lali Eri nuk do ta merrte rrugën të shkonte dhe të bënte poza në këtë objekt pikërisht këto ditë që bëhet ky tender. Kjo është tarraca ku do të hidhen 100 milionë lekë. Duket në gjendje shumë të mirë, por edhe sikur të ketë ndonjë problem mund të riparohej me pak miliona lekë, jo kaq shumë! Janë 100 milionë lekë që mund të përdoreshin për blerjen e dy apartamenteve për të pastrehët.
Tenderi pa konkurrencë
Dhe siç e ka zakon Lali Eri, fituesi është i paracaktuar duke u shkelur procedura e prokurimit.
Katër kompani kanë paraqitur ofertat e tyre për të marrë përsipër këtë projekt, madje 2 prej tyre ofertë shumë më të lirë se fituesi, por Veliaj i ka skualifikuar me justifikim se nuk kanë dorëzuar formularin e plotë të deklarimit. Kështu në garë ka mbetur vetëm kompania STERKAJ sh.p.k, e cila paraqiti ofertën e 8,608,530 (tetë milion e gjashtëqind e tetë mijë e pesëqind e tridhjetë) lekë pa tvsh.
Vihet re se një nga konkurrentët ka ofruar ta bëjë këtë punë me Nika sh.p.k me NIPT J76705047U me ofertë ekonomike 6,990,973.5 lekë pa tvsh dhe 2N sh.p.k, me shumën 7,591,736 (shtatë milion e pesëqind e nëntëdhjetë e një mijë e shtatëqind e tridhjetë e gjashtë) lekë pa tvsh. Por, kompanisë së favorizuar duhet t’i jepen 100 milionë lekë dhe pikë! Në dokumentet e publikuara nga Open Data tregohet se prokurimi është regjistruar me “Red Flag”, pasi kontratë është në shkelje, duke cenuar konkurrencën me skualifikimin e të gjithë operatorëve të tjerë veç fituesit. Në shkelje të hapur të ligjit, Veliaj i ka dhënë 100 milionë lekë pa garë kushëririt të Paulin Sterkajt. Në të kaluarën nuk kanë munguar akuzat nga ana e opozitës së në të vërtet pas kësaj kompanie qëndron vetë Paulin Stërkaj, por menaxhohet nga kushëriri.
6 mld lekë tenderë në 2 vjet
Për aq kohë sa kushëriri i tij ka dorë në pushtet, Lulzim Sterkaj siguron gjithmonë nga një tender me vlerë të lartë. Sipas të dhënave të publikuara nga Spending.data.al vetëm në dy vitet e fundit kompania “Sterkaj shpk” ka marrë 45 tenderë me vlerë 6 miliardë lekë tenderë.
Ndërsa vihet në dukej se 16 tenderë me vlerë 1.8 miliardë lekë i ka marrë vetëm nga Bashkia Tiranë në vitin 2021-2022. Vetëm pa javë më parë Sterkaj ka marrë një pjesë të mirë nga tenderi 555 milionë lekë që kryebashkiaku i Kamzës, Rakip Suli, i ndau për disa oligarkë vetëm për rikonstruksionin e një rruge. Ndërkohë në vitin e shkuar kjo kompani është renditur nga Open Data Albania si një nga firmat që ka fituar tenderë me Bashkitë në procedura me risk, ku janë s’kualifikuar në garë operatorët me ofertë më të ulët. Sipas këtyre të dhënave kjo firmë në bashkëpunim me operatorët Kupa sh.p.k, , ARB, Trans sh.p.k. dhe Liqeni sh.a. kanë fituar disa tenderë në shkelje të ligjit, edhe nga Ujësjellës Kanalizime Tiranë.
Nga të dhënat e Open Data pasqyrohet një rast kur këto kompani kanë fituar tenderin me vlerë oferte pa TVSH prej 381 811 507 Lekë në një situatë ku pjesëmarrës ishin pesë operator dhe tre u s’kualifikuan duke i lënë vendin një ofertuesi me vlerë më të lartë të ofruar krahasuar me të skualifikuarit. Tenderi ka titull “Ndërtim linje transmetimi nga puseta Yzberisht deri në depon Katund, Katund i Ri, Ndërtim linje transmetimi nga puseta Yzberisht deri në depon Qytet Nxënësve”. Këto tenderë të fituara nga Lulzim Sterkaj duhet të merren në konsideratë nga SPAK-u.
Lekët për mirëmbajtje u janë marrë prindërve
Siç tregon kjo shkresë zyrtare e drejtorisë së shkollës “Ahmet Gashi”, vitin e kaluar shkollor, prindërve u janë mbledhur 1000 lekë (të reja). Ku shkojnë këto para? Kur shohin si vjedh krybashkiaku me fondet e kësaj shkolle, përse të mos përfitojnë diçka edhe drejtuesit e saj! Madje paska edhe një udhëzim të ministres së Arsimit, që u lejon ta bëjnë këtë mbledhje fondesh!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post