Ministrja e Arsimit, Evis Kushi ka marrë pjesë në kongresin e arsimit që po zhvillohet ditën e sotme në Tiranë, ku është gjithashtu i pranishëm edhe kryeministri Edi Rama.
Kushi tha mes të tjerash se arsimi po përballej edhe me largimin e të rinjve të cilët preferonin të studionin në vendet e Europës Perëndimore, dhe se këto vende duke qenë drejt plakjes së popullsisë kishin hapur dyert për profesionistët e rinj. Për të justifikuar politikat e munguara të qeverisë për arsimin, Kushi tha se kjo tendencë tani ka nisur dhe në vendet e tjera të rajonit.
“Ne këtu në Shqipëri po përballemi edhe më një tendencë tjetër. Një sfidë tjetër me të cilën në fakt po përballet i gjithë rajoni ballkanik. Një pjesë e të rinjve, largohen nga rajoni për studime apo për punësim drejt vendeve perëndimore. Vende të cilat duke qenë drejt plakjes së popullsisë, kanë hapur dyert për të rinjtë tanë veçanërisht për mjekët dhe infermierët. Për t’ju përgjigjur kësaj tendence, ne kemi hartuar disa politika të reja siç është ndërkombëtarizimi i universiteteve. Qëllimi ynë është të rrisim cilësinë por edhe t’u japim vlerë diplomave tona”, u shpreh Kushi.
Discussion about this post